duniya ki nigahon mein hain aeenaa numaa ham

patthar ko bhi dete hain zamane mein jilaa ham
duniya ki nigahon mein hain aeenaa numaa ham

har shai mein numayan hai tira jalva khudaya
karte hain shab-o-roz tiri humd-o-sana ham

ik tu hi zamane ki har ik shai pe hai qadir
kaise na kahen tujhko yahan apna khudaa ham

maula! hamein jo kuch bhi yahan tune diya hai
mitne na kabhi denge ye ehsaan tiraa ham

maan! teri mohabbat ka koi mol nahin hai
kar hi nahin sakte hain tira qarz adaa ham

manzil unhein har gaam pe deti hai sadaen
bikhri hui taqat ko jo karte hain faraaham

hathon mein hai qatil ke ab insaaf-e-adalat
nakarda gunahon ki hi pate hain sazaa ham

mana ki khuda uska nigehbaan hai 'sahil
har doopti kashti ko magar denge sadaa ham
 

Comments

Popular posts from this blog

Bas Ek Shakhs Hi Kul Kainat Ho Jaise,

kaba kis munh se jaoge Ghalib