Raazoun Ki Tarah Utro Mere Dil Me Kisi Shab

Raazoun Ki Tarah Utro Mere Dil Me Kisi Shab

Dastak Pe Meri Haath Ki, Khul Jao Kisi Din

Phooloun Ki Tarah Husn Ki Barish Mein Nahaaloun…

Badil Ki Tarah Jhoom Ke Ghar Aao Kisi Din

Khusboo Ki Tarah Guzro Meri Dil Ki Gali Sey

Phooloun Ki Tarah Mujh Pe Bikhar Jao Kisi Din

Guzrein Jo Meray Ghar Se Tou Ruk Jaayen Sitaarey

Iss Tarah Meri Raat Ko Chamkao Kisi Din

Phir Haath Ko Khairaat Miley Band-e-Qaba Ki

Lutf-e-Shab- e-Wisaal Ko Duhraao Kisi Din

 Main Apni Har Ek Saans Uss Raat Ro Dedoun…

Sar Rakh Ke Mere Seene Pe So Jao Kisi Din