Hanste Hue Maa Baap Ki Gaali Nahi Khaate

Hanste Hue Maa Baap Ki Gaali Nahi Khaate
Bachche Hain To Kyun Shauq Se Mitti Nahi Khaate

Tum Se Nahi Milne Ka Iraada To Hai Lekin
Tum Se Na Milenge Ye Qasam Bhi Nahi Khaate

Bachche Bhi Gharibi Ko Samajhne Lage Shayad
Ab Jaag Bhi Jaate Hain To Sehri Nahi Khaate

Footpath Pe So Jaate Hain Akhbaar Bichaa Kar
Mazdoor Kabhi Neend Ki Goli Nahi Khaate

Daawat To Badi Cheez Hai Hum Jaise Qalandar
Har Ek Ke Paison Ki Dawaa Bhi Nahi Khaate

Allah Ghareebon Ka Maadadgaar Hai Raana
Hum Logon Ke Bachche Kabhi Sardi Nahi Khaate

Comments

Post a Comment

Popular posts from this blog

Bas Ek Shakhs Hi Kul Kainat Ho Jaise,

Bas Ek Shakhs Hi Kul Kainat Ho Jaise, Nazar Na Aaye To Din Mein Bhi Rat Ho Jaise, Mere Labon Pe Tabasam Hai Mojzan Ab Tak, K Dil Ka Tootna Choti Si Baat Ho Jaise, Shab-e-Firaq Mujhe Aaj Youn Darati Hai, Tere Baghair Meri Pehli Raat Ho Jaise, Usi Ki Yaad Ki Ye Bhi To Ek Karamat Hai, Hazar Meel Pe Ho Kar Bhi Sath Ho Jaise, Tera Salook Mujhe Roz Zakham Deta Hai, Kisi Ko Pehli Mohabbat Mein Maat Ho Jaise, Humare Dil Ko Koi Mangne Na Aaya AnwaR Kisi Ghareeb Ki Beti Ka Hath Ho Jaise..
Read more

kaba kis munh se jaoge Ghalib

Image
Koi ummeed bar nahin aati Koi soorat nazar nahin aati maut ka ek din muayyan hai need kyon raat bhar nahin aati aage aati thi hale dil pe hansi ab kisi baat par nahin aati janta hoon sababe-taato-zahad par tabeeat idhar nahin aati Hai kuchh aisi hi baat jo chup hoon, varna kya baat kar nahin aati kyon na cheehkoon ki yaad karte hain meri awaaz gar nahin aati marte hain aarzoo me marne ki maut aati hai par nahin aati kaba kis munh se jaoge Ghalib sharm tumko magar nahin aati          
Read more